محکمہ ایکسائز کا کارنامہ، ایک ہی شخص کے نام 34 ہزار 770 گاڑیاں رجسٹر کردیں



لاہور (نیوزڈیسک) : محکمہ ایکسائز لاہور نے ایک ہی شخص کے نام پر 34 ہزار 770 گاڑیاں رجسٹر کر دیں۔ تفصیلات کے مطابق مقامی رہائشی مجاہد شبیر نے لاہور ہائیکورٹ میں پٹیشن دائر کی جس میں کہا گیا کہ پولیس آئے روز گھر پر چھاپے مار کر مجھے ہراساں کررہی ہے ۔میں صرف ایک گاڑی کا مالک ہوں تاہم پولیس یہ الزام لگا کر روزانہ گھر پر

چھاپے ماررہی ہے کہ میرے نام پوری 34 ہزار 770 گاڑیاں رجسٹر ہیں۔ ماجد کا کہنا تھا کہ چوری شدہ گاڑیاں بھی میرے نام پررجسٹر کر دی گئی ہیں۔ اس حوالے سے محکمہ ایکسائزاینڈ ٹیکسیشن نے عدالت کو آگاہ کیا کہ تکنیکی خرابی سے گاڑیاں ایک ہی شخص کے نام درج ہوگئیں۔ ڈائریکٹر ایکسائز اینڈ ٹیکسیشن کا کہنا تھا کہ ڈیٹا اپ ڈیٹ کردیا گیا ہے، اب درخواست گزار کو شکایت نہیں ہوگی۔ عدالت نے پولیس شہری مجاہد شبیر کو ہراساں کرنے سے باز رہنے کا حکم دیا ۔ جس کے بعد لاہورہائیکورٹ کے جسٹس امیربھٹی نے فریقین کا مؤقف سنے کے بعد درخواست نمٹا دی۔ یاد رہے کہ محکمہ ایکسائز اینڈ ٹیکسیشن نے بھی محکمے میں جدت لانے کے لیے کئی اقدامات کیے۔ پنجاب میں رواں برس ہی گاڑیوں کی آن لائن رجسٹریشن کا سسٹم متعارف کروایا گیا تھا۔ سالانہ ٹوکن ٹیکس کی ادائیگی کے لیے بھی آن لائن سہولت متعارف کروانے کا اعلان کیا گیا تھا۔ جبکہ گاڑی کی رجسٹریشن کے لیے فارم آن لائن حاصل کیا جا سکتا ہے۔ پنجاب میں گاڑیوں کی رجسٹریشن بُک ختم کرکے محکمہ ایکسائز پنجاب نے اسمارٹ کارڈز بھی متعارف کروائے تھے۔ محکمہ ایکسائز کے اس

فیصلے کے تحت موٹر سائیکل اور گاڑی کے کارڈ کی یکساں فیس مقرر کی گئی جس کے تحت پنجاب کے شہری محض 530 روپے میں اپنی گاڑی یا موٹرسائیکل کے لیے سمارٹ کارڈ کی سہولت سے مستفید ہوئے۔ یہ سہولت صرف نئی گاڑیوں یا موٹرسائیکل خریدنے والے شہریوں کے لیے ہی نہیں تھی بلکہ شہریوں کی گاڑیوں اور موٹرسائیکلوں کی پرانی رجسٹریشن بک بھی سمارٹ کارڈ میں تبدیل کرنے کی سہولت موجود تھی۔



اس وقت سب سے زیادہ مقبول خبریں


تازہ ترین خبریں
قوم مایوس نہ ہو۔۔۔تیل اور گیس کی تلاش میں ناکامی کے بعد وزیر اعظم عمران خان کا اہم بیان سامنے آگیا
تحریک انصاف کی بڑی وکٹیں گر گئیں، پی ٹی آئی ارکان نے (ن) لیگ سے رابطہ کر لیا
گروپ فوٹو بنوانے کیلئے سب لائن میں کھڑے ہوئے تو شاہ محمود قریشی کو دیکھ کر بھارتی وزیر خارجہ سشما سوراج نے کیا کیا ؟
نواز شریف مشکل میں، نیب کو ایک اور کیس میں تفتیش کی اجازت
انا للہ و انا الیہ راجعون، سینئروفاقی وزیر انتقال کر گئے
طالبہ کو درخت سے الٹا لٹکا کر تشدد، بچی چیختی، چلاتی رہی ،ٹیچرزکو رحم نہ آیا،مار پیٹ کا سلسلہ جاری رکھا،ویڈیو وائرل

تازہ ترین ویڈیو
ٹی وی اینکر ڈاکٹر عامر لیاقت حسین کی رمضان ٹرانسمیشن کے دوران غیر مناسب باتیں
جنرل راحیل کی دھمکی پر بھارتی پاگل ہوگئے،دیکھیں پاکستانی تجزیہ نگار نے بھی بھارتی کی چھترول کردی
پاکستان مخالف تقریر کرنے پر پاکستانی نوجوان نے لندن ائیرپورٹ پر محمود خان اچکزئی کو گالیاں اور اور ہاتھا پائی
اگر ایاز صادق کے دل میں کھوٹ نہیں تھا تو پھر وہ عمران خان کا سامنا کرنے سے کیوں بھاگے، ایاز صادق غیر جانبدارنہیں رہے۔ سنیے
مجھ سے ذاتی دشمنی نکالی جارہی ہے ۔۔۔، افسوس کہ وزیراعظم صاحب پوری بات سنے بغیر ہی اٹھ کر جارہے ہیں

Copyright © 2016 UrduBaaz.com. All Rights Reserved