کرفیو کی خلاف ورزی کرتے ہوئے ہندوحاملہ خاتون کو ہسپتال پہنچاکرمسلم رکشہ ڈرائیور انسانی ہمدردی کی مثال بن گیا، رکشہ ڈرائیور کی گفتگو سامنے آ گئی



نئی دہلی (این این آئی)بھارت میں ایک مسلمان رکشہ ڈرائیور نے کرفیو کی خلاف ورزی کرتے ہوئے ہندو حاملہ خاتون کو بروقت اسپتال پہنچا کر انسانی ہمدردی کی مثال قائم کردی۔رکشہ ڈرائیور نے خاتون کو وقت پر اسپتال پہنچایا جہاں خاتون نے صحت مند بچے کو جنم دیا اور اس کا نام شانتی رکھ دیا گیا۔بھارتی ٹی وی کے مطابق بھارتی

ریاست آسام کے علاقے ہیلاکاندی میں نسلی فسادات کے دوران پولیس فائرنگ سے ایک شخص ہلاک اور 15 زخمی ہوگئے جبکہ 15 سے زائد گاڑیوں اور ایک درجن کے قریب دکانوں کو لوٹ مار کے بعد نذر آتش کردیا گیا تھا۔ ان واقعات کے بعد کئی روز سے شہر میں کرفیو نافذ ہے۔ہندو خاتون نندتا کے شوہر روبن کا کہنا تھا کہ اہلیہ کے درد اٹھنے کے بعد وہ پریشانی کے عالم میں مدد کے لئے ادھر ادھر دیکھ رہا تھا کیونکہ اسے اپنی بیوی کو اسپتال منتقل کرنے کی ایمبولنس کی ضرورت تھی۔اس کا کہنا تھا کہ اس دوران میں درد سے بے حال بیوی کو دلاسہ دے رہا تھا کہ کوئی نا کوئی ہماری مدد کو ضرور آئے گا جو ہمیں اسپتال لے جائے گا۔اسی دوران روبن کا پڑوسی اور دوست مقبول اپنا رکشہ لے کر وہاں پہنچا اور انہیں رکشہ میں بٹھا کر تیز رفتاری سے رکشہ دوڑاتا ہوا اسپتال لے گیا۔روبن کا کہنا تھا کہ کرفیو کی وجہ سے سڑکوں پر ہو کا عالم تھا لیکن مجھے فکر صرف یہ تھی کہ ہم وقت پر اسپتال پہنچ بھی پائیں گے یا نہیں۔رکشہ ڈرائیور مقبول کا کہنا تھا کہ میں انہیں مسلسل تسلی دے رہا تھا کہ سب کچھ صحیح ہوگا، لیکن میں خود دل ہی دل میں دعائیں کررہا تھا۔مقبول کی بروقت مدد کی سے نندتا نے بیٹے کو جنم دیا جس پردونوں دوستوں نے سکھ کا سانس لیا۔



اس وقت سب سے زیادہ مقبول خبریں


تازہ ترین خبریں
اسلام آباد سٹاک ایکسچیج کی عمارت میں آگ لگ گئی
جعلی اکاؤنٹس کیس: انور مجید کے ایک اور بیٹے ذوالقرنین مجید گرفتار
المناک حادثے نے پاکستانیوں کی آنکھیں نم کردی
زرداری ، حمزہ شہباز کی گرفتار ی کے بعد فریا ل تالپور کی گرفتاری
مریم نواز کے سیکورٹی اسکواڈ کی گاڑی بڑے حادثے سے بچ گئی
پاکستانیوں کیلئے انتہائی افسوسناک خبر آگئی

تازہ ترین ویڈیو
ٹی وی اینکر ڈاکٹر عامر لیاقت حسین کی رمضان ٹرانسمیشن کے دوران غیر مناسب باتیں
جنرل راحیل کی دھمکی پر بھارتی پاگل ہوگئے،دیکھیں پاکستانی تجزیہ نگار نے بھی بھارتی کی چھترول کردی
پاکستان مخالف تقریر کرنے پر پاکستانی نوجوان نے لندن ائیرپورٹ پر محمود خان اچکزئی کو گالیاں اور اور ہاتھا پائی
اگر ایاز صادق کے دل میں کھوٹ نہیں تھا تو پھر وہ عمران خان کا سامنا کرنے سے کیوں بھاگے، ایاز صادق غیر جانبدارنہیں رہے۔ سنیے
مجھ سے ذاتی دشمنی نکالی جارہی ہے ۔۔۔، افسوس کہ وزیراعظم صاحب پوری بات سنے بغیر ہی اٹھ کر جارہے ہیں

Copyright © 2016 UrduBaaz.com. All Rights Reserved