اطہر من اللہ کو نیا چیف جسٹس مقر ر کر دیا گیا ، منظور ی دیدی



اسلام آباد(مانیٹرنگ ڈیسک) اعلیٰ عدالتوں میں ججوں کی تقرری کے لیے قائم پارلیمانی کمیٹی نے اسلام آباد ہائیکورٹ کے جسٹس اطہر من اللہ کی بطور چیف جسٹس ہائیکورٹ تقرری کی منظوری دے دی۔ہم نیوز کے مطابق چیف جسٹس کی سربراہی میں اعلی عدلیہ میں ججز تقرری کے کمیشن نے اطہر من اللہ کی بطور چیف جسٹس تقرری کی سفارش کی تھی۔ آج

ججز تقرری کی پارلیمانی کمیٹی کا اجلاس منعقد ہوا جس میں جوڈیشل کمیشن کی سفارشات پر غور ہوا۔کمیٹی کا اجلاس پارلیمانی امور کے وفاقی وزیر علی محمد خان نے کی سربراہی میں ہوا۔کمیٹی نے جسٹس اطہر من اللہ کو چیف جسٹس اسلام آباد ہائی کورٹ بنانے کی منظوری دے دی۔پارلیمانی کمیٹی کے اجلاس میں فاروق ایچ نائیک، راجہ پرویز اشرف، رانا ثناء اللہ، جاوید عباسی، نعمان وزیر اور سرفراز بگٹی شریک ہوئے۔ گزشتہ ہفتے جوڈیشل کمیشن نے ہائیکورٹ کے سنئیر ترین جج جسٹس اطہر من اللہ کو اسلام آباد ہائی کورٹ کے چیف جسٹس بنانے کی سفارش کی تھی۔سفارش چیف جسٹس کی زیر صدارت ججز تقرری کے لیے قائم جوڈیشنل کمیشن کے اجلاس میں کیا گیا تھا۔جسٹس اطہر من اللہ، جسٹس شوکت عزیز صدیقی کی برطرفی کے باعث اسلام آباد ہائی کورٹ کے سینئرجج بن گئے تھے۔واضح رہے جسٹس شوکت عزیز صدیقی کو عدلیہ اور قومی سلامتی کے اداروں کے خلاف تقریر کرنے پرعہدے سے برطرف کیا گیا تھا جبکہ اسلام آباد ہائی کورٹ کے چیف جسٹس انور قاصی رواں ماہ عہدے سے سبوق دوش ہو رہے ہیں۔پاکستان کے آئین میں اٹھاروین ترمیم کے تحت جوڈیشنل

کمیشن ججز کی سپریم کورٹ اور ہائیکورٹس میں تقرری کی سفارش پارلیمانی کمیٹی کو کرتا ہے۔جوڈیشل کمیشن کی سفارشات کی منظوری پارلیمانی کمیٹی دیتی ہے۔ پارلیمانی کمیٹی پر لازم ہے کہ وہ جوڈیشل کمیشن کی سفارشات 14 دنوں کے اندر منظور یا مسترد کریں۔ سفارش کی منظوری کی صورت میں نامزد جج کا نام وزیراعظم کو بھیجا جاتا ہے جو اسے حتمی منظوری کے لیے صدر کو ارسال کرتے ہیں۔



اس وقت سب سے زیادہ مقبول خبریں


تازہ ترین خبریں
جرمن خاتون پاکستان چلی آئی۔۔اسلام قبول کرکے جہلم کے نوجوان سے شادی
پنجاب اسمبلی میں ن لیگ کو جھٹکا۔۔۔ اہم ترین لیگی رہنما کی اسمبلی رُکنیت معطل کردی گئی
وزیر اعلیٰ اور گورنر پنجاب کو عہدے سے ہٹا دیا جائے گا،معروف سیاستدان نے پیش گوئی کر دی
رحم کیجئے، کرم کیجئے۔۔۔شریف خاندان عمران خان کی ترلے منتیں کرنے لگ گیا،معافی کی اپیل پر فیصلے سے پہلے وزیراعظم کا جواب بھی بتا دیا گیا
وزیر اعلیٰ پنجاب اورگورنر کی دعوت کے باوجود چوہدری پرویز الٰہی اور جہانگیر ترین نے عشائیہ میں شرکت کیوں نہیں کی؟ وجہ سامنے آگئی
رمضان المبارک میں سرکاری ملازمین کس طرح ڈیوٹی سرانجام دیں گے، دفتری اوقات کار کا اعلان کردیا گیا

تازہ ترین ویڈیو
جنرل راحیل کی دھمکی پر بھارتی پاگل ہوگئے،دیکھیں پاکستانی تجزیہ نگار نے بھی بھارتی کی چھترول کردی
پاکستان مخالف تقریر کرنے پر پاکستانی نوجوان نے لندن ائیرپورٹ پر محمود خان اچکزئی کو گالیاں اور اور ہاتھا پائی
اگر ایاز صادق کے دل میں کھوٹ نہیں تھا تو پھر وہ عمران خان کا سامنا کرنے سے کیوں بھاگے، ایاز صادق غیر جانبدارنہیں رہے۔ سنیے
مجھ سے ذاتی دشمنی نکالی جارہی ہے ۔۔۔، افسوس کہ وزیراعظم صاحب پوری بات سنے بغیر ہی اٹھ کر جارہے ہیں

Copyright © 2016 UrduBaaz.com. All Rights Reserved