‘کنگنا نے میرے شوہر کے ساتھ 4 سال گزارنے کے بعد ان پر ریپ کا الزام لگایا‘



ممبئی (ویب ڈیسک )بولی وڈ اداکار ادیتیا پنچولی کی اہلیہ نے کہا ہے کہ اداکارہ کنگنا رناوٹ 4 سال سے زائد عرصے تک ان کے شوہر کے ساتھ تعلقات میں رہیں اور بعد میں ان پر جنسی ہراساں اور ریپ کا الزام عائد کیا۔ادیتیا پنچولی کی اہلیہ اداکارہ زرینہ وہاب نے کنگنا رناوٹ کے الزامات کو جھوٹا قرار دیتے ہوئے شوہر کی حمایت کی۔زرینہ وہاب کا یہ بیان ایسے وقت

میں سامنے آیا ہے جب کہ ان کے شوہر نے رواں ماہ 3 جون کو ممبئی پولیس کو ایک درخواست دی تھی جس میں انہوں نے خدشہ ظاہر کیا تھا کہ اداکارہ کنگنا رناوٹ ان پر ’ریپ‘ کا جھوٹا الزام لگائیں گی۔ادیتیا پنچولی کی جانب سے ممبئی پولیس کی دی گئی تحریری شکایت میں کہا گیا تھا کہ انہوں نے کنگنا رناوٹ کے خلاف جھوٹے الزامات لگانے کے تحت ہتک عزت کا مقدمہ دائر کر رکھا ہے اور انہیں خدشہ ہے کہ وہ مقدمہ واپس نہ لینے کی وجہ سے اداکارہ ان پر ریپ کا جھوٹا الزام لگائیں گی۔اس سے قبل ادیتیا پنچولی نے ممبئی کی مقامی عدالت میں اداکارہ کے خلاف جنسی طور پر ہراساں کرنے کے جھوٹے الزامات کے تحت ہتک عزت کا مقدمہ دائر کیا تھا۔کنگنا رناوٹ نے ادیتیا پنچولی پر پہلی بار جنسی طور پر ہراساں کرنے کے الزامات 2017 میں لگائے تھے اور دعویٰ کیا تھا کہ کیریئر کے ابتدائی دنوں میں اداکار نے انہیں استعمال کیا اور ان کے ساتھ ناروا سلوک رکھا۔کنگنا رناوٹ کے مطابق کیریئر کے ابتدائی دنوں میں ان کے اور ادیتیا پنچولی کے درمیان تعلقات تھے اور اداکار نے ان کے ساتھ نامناسب رویہ اختیار کرنے سمیت انہیں دھوکا دیا۔اداکارہ کے ایسے

الزامات کو اگرچہ ادیتیا پنچولی شروع سے ہی مسترد کرتے آ رہے ہیں، تاہم اب پہلی بار ان کی اہلیہ اداکارہ زرینہ وہاب نے بھی خاموشی توڑتے ہوئے شوہر کا دفاع کیا ہے۔ڈی این اے انڈیا کے مطابق زرینہ وہاب نے حال ہی میں ایک اخبار کو دیے گئے انٹرویو میں اپنے شوہر کا دفاع کیا اور کہا کہ انہیں کنگنا رناوٹ پر یقین نہیں۔زرینہ وہاب کا کہنا تھا کہ وہ اپنے شوہر کو کنگنا رناوٹ یا کسی اور سے زیادہ اچھے طریقے سے جانتی ہیں اور انہوں نے کبھی بھی ان سے کوئی بات نہیں چھپائی۔زرینہ وہاب کے مطابق پہلے تو کنگنا رناوٹ ساڑھے 4 سال تک میرے شوہر کے ساتھ تعلقات میں رہیں اور بعد میں ان پر جنسی ہراساں اور ’ریپ‘ کا الزام لگادیا۔ادیتیا پنچولی کی اہلیہ نے سوالیہ انداز میں کہا کہ وہ کیسے کنگنا رناوٹ پر یقین کرکے انہیں اپنی بیٹی کی طرح مانیں؟ کیوں کہ وہ ان کے شوہر سے باہمی رضامندی کے ساتھ تعلقات میں تھیں۔زرینہ وہاب نے واضح کیا کہ انہیں پورا یقین ہے کہ ان کے شوہر نے کبھی کوئی غلط کام نہیں کیا۔



اس وقت سب سے زیادہ مقبول خبریں


تازہ ترین خبریں
اسلام آباد سٹاک ایکسچیج کی عمارت میں آگ لگ گئی
جعلی اکاؤنٹس کیس: انور مجید کے ایک اور بیٹے ذوالقرنین مجید گرفتار
المناک حادثے نے پاکستانیوں کی آنکھیں نم کردی
زرداری ، حمزہ شہباز کی گرفتار ی کے بعد فریا ل تالپور کی گرفتاری
مریم نواز کے سیکورٹی اسکواڈ کی گاڑی بڑے حادثے سے بچ گئی
پاکستانیوں کیلئے انتہائی افسوسناک خبر آگئی

تازہ ترین ویڈیو
ٹی وی اینکر ڈاکٹر عامر لیاقت حسین کی رمضان ٹرانسمیشن کے دوران غیر مناسب باتیں
جنرل راحیل کی دھمکی پر بھارتی پاگل ہوگئے،دیکھیں پاکستانی تجزیہ نگار نے بھی بھارتی کی چھترول کردی
پاکستان مخالف تقریر کرنے پر پاکستانی نوجوان نے لندن ائیرپورٹ پر محمود خان اچکزئی کو گالیاں اور اور ہاتھا پائی
اگر ایاز صادق کے دل میں کھوٹ نہیں تھا تو پھر وہ عمران خان کا سامنا کرنے سے کیوں بھاگے، ایاز صادق غیر جانبدارنہیں رہے۔ سنیے
مجھ سے ذاتی دشمنی نکالی جارہی ہے ۔۔۔، افسوس کہ وزیراعظم صاحب پوری بات سنے بغیر ہی اٹھ کر جارہے ہیں

Copyright © 2016 UrduBaaz.com. All Rights Reserved