اماراتی شہری نے اپنے بھارتی ملازموں کو پرندوں کے پنجرے میں قید کر ڈالا ! قید کرنے کی انوکھی وجہ کیا نکلی؟ ویڈیو وائرل ہوتے ہی حکام کی دوڑیں لگ گئیں



شارجہ(ویب ڈیسک) شارجہ میں ایک اماراتی کفیل نے اپنے فارم ہاؤس پر ملازم بھارتی باشندوں کو محض اس وجہ سے پرندوں کے بڑے پنجرے میں قید کر ڈالا کیونکہ اُنہوں نے چند روز قبل بھارت اور متحدہ عرب امارات کی فٹ بال ٹیموں کے درمیان ہونے والے انٹرنیشنل میچ میں اپنے وطن کی حمایت کی تھی۔ اس واقعے کی وائرل ہونے والی ویڈیو میں

دیکھا جا سکتا ہے کہ پرندوں کے ایک بڑے سے پنجرے میں بہت سے بھارتی باشندے نظر آ رہے ہیں۔اماراتی مالک اُن سے سوال کرتا ہے کہ وہ کس فٹ بال ٹیم کی سپورٹ کرتے ہیں تو پنجرے میں بند ملازمین کہتے ہیں، انڈین ٹیم کی۔ اس پر وہ اماراتی اُنہیں ڈانٹ کر کہتا ہے۔ یہ بالکل بھی اچھی بات نہیں ہے کیونکہ وہ امارات میں رہتے ہیں، اس لیے اُنہیں اسی مُلک کی فٹ بال ٹیم کو سپورٹ کرنا چاہیے۔اس کے بعد وہ دوبارہ پنجرے کو جنگلے پر دوبارہ اپنی چھڑی مار کر پُوچھتا ہے۔ہاں بھئی بتاؤ کس ٹیم کو سپورٹ کرتے ہو؟ اس کے جواب میں پنجرے میں قید تمام بھارتی افراد پُکار اُٹھتے ہیں، اماراتی ٹیم کو۔ اس جواب پر خوش ہو کر اماراتی مالک اُنہیں پنجرے سے باہر آنے دیتا ہے۔ اس کے بعد وہ میچ سے قبل ہی اماراتی ٹیم کی جیت کا جشن منا لیتا ہے۔ واضح رہے کہ یہ میچ امارات نے بھارت کو صفر کے مقابلے میں دو گول سے ہرا کر جیت لیا تھا۔اس واقعے کی ویڈیو نے دُنیا بھر میں تہلکہ مچا دیا تھا اور سوشل میڈیا صارفین نے مطالبہ کیا تھا کہ اماراتی شخص کو اس کی اس غیر انسانی حرکت پر گرفتار کیا جائے۔ اس واقعے پر اشتعال ظاہر ہونے کے بعد مالک نے ایک اور وڈیو جاری کی

جس میں وہ اپنے اُنہی ورکروں کے ساتھ کھڑا ہے، جنہیں اُس نے پنجرے میں قید کر رکھا تھا۔ اس ویڈیو میں اماراتی مالک کہتا ہے کہ اُس نے یہ ویڈیو مذاق کے طور پر بنائی تھی۔یہ تمام افراد اُس کے پاس ملازم ہیں جن میں سے ایک اُس کے پاس بائیس سال سے کام کر رہا ہے۔ یہ تمام ملازمین اُس کے فارم پر کام کرتے ہیں۔ مالک یہ دعویٰ بھی کرتا ہے کہ وہ اور ملازمین

ایک ہی پلیٹ میں سے کھانا کھاتے ہیں۔ میں نے نہ تو اس ویڈیو کے دوران انہیں مارا پیٹا اور نہ ہی حقیقت میں انہیں پنجرے میں بند کیا تھا۔ یہ سب محض مذاق ہی تھا۔ دُوسری جانب اماراتی حکام حرکت میں آ گئے ہیں۔انہوں نے اماراتی مالک کو گرفتار کر لیا ہے۔ اور اُس کی اس حرکت کو شرمناک اور اماراتی اقدار کے انتہائی منافی قرار دیا ہے۔اماراتی قانون کے مطابق ملزم کو چھ ماہ سے لے کر دس سال تک قید کی سزا ہو سکتی ہے۔ اس کے علاوہ پچاس ہزار درہم سے بیس لاکھ درہم تک کا جرمانہ بھی عائد ہو سکتا ہے۔ آپ بھی یہ عجیب و غریب ویڈیو دیکھیے۔



اس وقت سب سے زیادہ مقبول خبریں


تازہ ترین خبریں
وزیراعظم عمران خان نے پی ٹی آئی کے اراکین اسمبلی کواپنے حلقوں میں عوامی رابطہ مہم شروع کرنے کی ہدایت کردی
رات کی بڑی بریکنگ نیوز! وزیر اعلیٰ پنجاب کو عہدے سے ہٹا یا جا رہا ہے یا نہیں ۔۔۔؟وزیراعظم عمران خان نے عثمان بزدار کی قسمت کا فیصلہ کر لیا، حکم بھی جاری کردیا
پا کستان کے ہیرو شہید راشد منہاس کی والدہ ماجدہ انتقال کر گئیں، فضا سو گوار
نواز شریف کی رہائی۔ ۔۔ کل کیا کام ہونے جا رہا ہے ؟ پاکستانیوں کیلئے سب سے بڑی خبر ، سپریم کورٹ کے ہنگامی احکامات جاری
تمام مقدمات کے خاتمے کا ایک ہی واحد حل! حکومت نے سابق وزیراعظم کو نئی پیشکش کردی
پاکستان نے جے ایف 17تھنڈر کے بعدایک اور ’شاہکار طیارہ‘ تیار کرلیا

تازہ ترین ویڈیو
جنرل راحیل کی دھمکی پر بھارتی پاگل ہوگئے،دیکھیں پاکستانی تجزیہ نگار نے بھی بھارتی کی چھترول کردی
پاکستان مخالف تقریر کرنے پر پاکستانی نوجوان نے لندن ائیرپورٹ پر محمود خان اچکزئی کو گالیاں اور اور ہاتھا پائی
اگر ایاز صادق کے دل میں کھوٹ نہیں تھا تو پھر وہ عمران خان کا سامنا کرنے سے کیوں بھاگے، ایاز صادق غیر جانبدارنہیں رہے۔ سنیے
مجھ سے ذاتی دشمنی نکالی جارہی ہے ۔۔۔، افسوس کہ وزیراعظم صاحب پوری بات سنے بغیر ہی اٹھ کر جارہے ہیں

Copyright © 2016 UrduBaaz.com. All Rights Reserved